Bagong movie ni Marian kasama si Aga Muhlach tuloy na! At bagong sitcom niya inihahanda na!

ABOUT SHOWBIZ Ni Nitz Miralles

Nakipag-meeting na si Aga Muhlach sa mga producers ng Regal Entertainment, Inc. at GMA Films para sa pelikulang pagtatambalan nila ni Marian Rivera, ibig sabihin, co-produced ang pelikula. Pinag-usapan ang concept ng movie at gusto ng kampo ni Marian ang concept ni Aga.

May mga binanggit na pangalang posibleng makasama sa Aga-Marian movie, pero saka na namin isusulat ’pag kumpirmado na. Magagawa ni Marian ang movie nila ni Aga dahil malapit nang matapos ang shooting ng Panday 2 nila ni Sen. Bong Revilla, Jr. at mga eksena sa Palawan na lang ang kukunan at magtatapos na rin ang Amaya.

In fact, this week, makikipag-meeting na si Popoy Caritativo, manager ni Marian sa GMA 7 para sa gagawin nitong sitcom. Bakit may feeling kaming hindi masusunod ang planong the same cast ng Show Me Da Manny ang makakasama ni Ma-rian? Parang magkakaroon ng malaking pagbabago sa cast.